Seoda Sean-Nóis as Tír Chonaill (MP3)

Is daoine fíorthábhachtacha iad na ceoltóirí seo, daoine a choinnigh drithleog an tsean-nóis beo i dTír Chonaill nuair a bhí an chontúirt ann go rachadh sí as.

– Lillis Ó Laoire

Réimse fairsing éagsúil amhrán agus stíleanna atá le cluinstin anseo ó cheathrar de na hamhránaithe sean-nóis is mó le rá a tháinig riamh as Tír Chonaill. Is fada agus is forleathan aithne orthu seo, agus is mór a bhfuil de mheas orthu mar amhránaithe den scoth, agus mar sheachadóirí tábhachtacha thraidisiún amhránaíochta an iarthuaiscirt.