CIC Logo

North West Words, leabhar nua Áine Durkin le seoladh anocht i Leitir Ceanainn

North West Words Irish-language poetry event tonight in Letterkenny Thursday, 22nd February, 2018

Beidh an file agus scríbhneoir Áine Durkin ina bean an tí ag an ócáid a bheidh ag North West Words anocht ag a léifear dánta ón ghearrliosta chomórtas filíochta Gaeilge North West Words. Is é Proinsias Mac a'Bhaird an moltóir agus beidh leabhar Áine Durkin Mise Áine: An Bhean Istigh á sheoladh ag Máire Dinny Wren ag an ócáid. 

 

North West Words Comórtas Filíochta 2018, Áine Durkin, Bean a'Tí, Máire Dinny Wren ag seoladh 'Mise Áine: An Bhean Istigh', Proinsias Mac a'Bhaird, moltóir.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Seo thíos eolas faoin ócáid ó North West Words 

 

Florence Food Co. Leitir Ceanainn Déardaoin 22 Feabhra 2018 8in. North West Words & Ealaín na Gaeltachta Comórtas Filíochta 2017.

Dánta Gearrliostaithe á Léamh. 
‘An Dá Thrá’ Máire Ní Bhriain, Loch Garman 
‘Linntreoga Doimhne’ Seosaimhín Nic Rabhartaigh, Baile Dhún na nGall, Co. Dhún na nGall 
‘An Mhucais faoin Nollaig’ Gréagóir Ó Dúill, Baile Átha Cliath 
‘Ar Bhruach’ Dubhán Ó Longáin, Bealach Féich, Co. Dhún na nGall 
‘Gur fút is breá liom’ Art Ó Súilleabháin, Corr na Móna Co. na Gaillimhe

Moltóir: Proinsias Mac a’Bhaird. Ceol: Brí Carr.

Seolfaidh Máire Dinny Wren an cnuasach filíochta ‘Mise Áine; An Bhean Istigh’ le Áine Durkin (Bean a' Tí).

Agus, Mic Oscailte.

Proinsias Mac a’ Bhaird: Údar deich leabhar i nGaeilge é Proinsias Mac a’ Bhaird ina measc 3 chnuasach filíochta. Is é ‘Bealach na Mine Buí’ a foilsíodh i 2015 an bailiúchán is déanaí uaidh. Bhuaigh sé duais an Choirnéil Uí Néill agus duais filíochta Oireachtas na Gaeilge agus ainmníodh ar an ghearrliosta faoi dhó é do dhuais idirnáisiúnta Bhéal na mBuillí. Tá a chuid filíochta foilsithe go forleathan in irisí liteartha agus léite aige ar fud na hÉireann agus thar lear. Bhunaigh sé An Chúirt Filíochta, cruinniú agus ceiliúradh bliantúil d’fhilí na Gaeilge a reáchtáltar in áiteanna éagsúla ar fud na tire.
Faoi láthair tá úrscéal á chríochnú aige agus foilseofar leabhar do pháistí uaidh níos moille i mbliana.

Brí Carr: Is amhránaí, cumadóir is múinteoir scoile mise, ag freastail at Lurgabreac. Tá club agam, 'Blue Ribbon Arts' agus Na wild atlantic wains, atá ag céiliúradh 20 mbliain an bhlian seo i mí Marta, grúpa a bhfuil clú is cáil orthu fa du de damhsa, ceol is dramaíocht. Chuamar go hIodáil dhá uair ar son Eireann sa GEF lenár damhsa úr, 'Clann Lir' is 'Brí'. Bhí trí grúpaí istigh sa Junior Eurovision anuraidh, le amhráin scríofa again féin. Bhuaigh mé an Fheile Phan Ceilteach dhá uair le amhráin 'Seolfaidh mé abhaile' i 2006 is 'Arainn Mhóir i 2015. Tháinig mo chéad albam amach ina dhiaidh sin, agus chuaigh Arainnmhóir go Uimhir 3 sna cairteacha domhanda um Nollaig 2016. Tá EP nua ag teacht amach in Aibreán, agus singil nua, 'Aislingí Oir' reidh fá choinne SNAG. Tá na páistí ag obair le páistí eile ar fud an chontae ar amhráin nua i gcóir Bliain na Gaeilge, ata ag teacht amach mar fís is mar singil i gceann cúpla mí.

Máire Dinny Wren: As Gaoth Dobhair i dTír Chonaill do Mháire Dinny Wren. Tá filíocht agus scéalta léi foilsithe in irisí ar nós Comhar, An tUltach, An Gael, Irish Pages, North West Words, Poblachd nam Bàrd agus Feasta.
Bronnadh duais Fhoras na Gaeilge ag Féile Scríbhneoirí Lios Tuathail ar Mháire in 2010 don ghearrscéal ‘Ag Téarnamh chun Baile’.
Bhain dán dá cuid ‘Lúb ar Lár’, comórtas filíochta Uí Néill in 2011.
Bhí léiriú dá scéal ‘Thar an Tairseach’, a craoladh Lá Fhéile Pádraig 2013 ar RTÉ Raidió 1, ar an ghearrliosta don Dráma Raidió is Fearr ag an Prix Europa i mBeirlín in 2013.
Bhain ‘Cosmhuintir’ duais sa chomórtas Splancfhicsean a rith Áras Scríbhneoirí na hÉireann i gcomhair le IMRAM agus Books Ireland in 2015.
Bhain cnuasach dánta dá cuid comórtas Ó Pheann na nGael sa bhliain 2016.
Bhain dán dá cuid ‘An Fidléir’, comórtas filíochta Focail Aniar Aduaidh/North West Words urraithe ag Aurivo agus ag Ealaín na Gaeltachta sa bhliain 2017.
Bhain dán dá cuid ‘Gan trócaire’, an chéad áit i gcomórtas filíochta Aonach Tailteann 2017.
Tá ceithre scéal dá cuid sa chnuasacht Go dtí an lá bán, a d’fhoilsigh Éabhlóid in 2012. D’fhoilsigh Coiscéim a céad chnuasacht filíochta, Ó Bhile go Bile, in 2011. D’fhoisigh Éabhlóid a céad chnuasacht gearrscéalta, Go mbeinnse choíche saor in 2016.

Áine Durkin: As Conamara ó dhúchas, tá Áine Durkin ina cónaí in Inis Eoghain ó 1980. Tá dánta léi foilsithe in An Gael, Windows Publications, Foinse, North West Words. Craoladh a dán ‘Ciara na Gruaige Rua’ ar an gclár Ciara na Gruaige Rua ar RTE Rádio na Gaeltachta, clár a bhuaigh bonn airgid idirnáisiúnta ag na New York Festivals International Radio Broadcasting Awards 2008.
Bhain sí duais liteartha ag Oireachtas na Samhna 2010 dá blag, Mise Áine. Bhuaigh a hamhrán ‘Le Do Thaobh’ an Comórtas Amhrán Náisiúnta ag an bhFéile Phan-Cheilteach I 2013, agus bhuaigh ‘Féile na Nollaig’ comórtas amhránaíochta a d’eagraigh Ros na Rún i gcomhar le RTE Rádio na Gaeltachta.


Mise Áine: An Bhean Istigh
Mise Áine: An Bhean Istigh

Is é seo an chéad chnuasach filíochta agus amhrán atá curtha i gcló ag an údar, Áine Durkin, scríbhneoir a bhíonn ag blagáil faoin ainm Mise Áine. Bhuaigh Áine Durkin an chéad duais leis...

€8.00 Anois: €6.00 Ceannaigh ›